Margur er skrýtinn

Gamansaga. Maður bjó þar sem vatn með silungsveiði var fyrir framan bæinn hans. Hann átti stóran hest sem að hét Moldi. Einn daginn fann hann svo stóra lús í rúminu að hann fór á henni og reiddi hestinn fyrir framan sig.

Gamansaga. Maður spurði eitt sinn kunningja sinn að því hvort að hann vissi að flói væri kallaður slíku nafni. Það vissi hinn ekki. Maðurinn sagðist einu sinni hafa þurft að fá ferju yfir Þjórsá og fór hann heim til ferjumannsins en hann var ekki heima. Konan hans var heima og var í vandræðum og sagðist hún ekki komast inn í bæinn því að hann væri fullur af fló. Spurði hann þá hvort að hún væri ekki búin að ná í flóadrottninguna en hún hafði aldrei heyrt á slíkt minnst. Hann fór inn og settist á bakið á drottningunni og hún flaug með hann út yfir Þjórsá og síðan heitir það flói.